Actividades

Xurxo Souto celebra vinte anos de literatura presentando na Casa-Museo "Pangalaica" e a reedición da súa primeira novela, "O retorno dos homes mariños"

Xurxo Souto celebra vinte anos de literatura presentando na Casa-Museo

16/09/2020

Este sábado, 20 de marzo, ás 19 horas

Este sábado, 20 de marzo o, ás 19 horas, Xurxo Souto celebra os seus vinte anos de literatura na Casa-Museo Manuel María e faino presentando o seu último libro escrito, Pangalaica, e a reedición da súa primeira novela, O retorno dos homes mariños, escrita hai vinte anos.  

Pangalaica. Recortes poderosos son oitenta pequenos relatos que foron escritos e publicados durante o confinamento no xornal Nós Diario e que agora son recollidos e ilustrados nun libro editado por Galaxia. A publicación recolle as historias e as persoas marabillosas que Xurxo Souto foi topando nas súas viaxes por Galiza adiante. Petiscos cheos de humor que acaban conformando unha cosmovisión alternativa do país: é mentira a fronteira entre o rural e o urbano; todas somos da aldea; Vigo e mais A Coruña son a mesma cidade!… (achegamos ligazón onde o propio escritor fala deste traballo https://www.youtube.com/watch?v=y9_0ul8V62Q&t=350s). O traballo tirado no mes de novembro de 2020, xa vai pola súa segunda edición.  

O retorno dos homes mariños, editada hai máis de vinte anos por Xerais, é unha novela que fala do reencontro da súa xeración, da xente dos barrios, co mar, desde o punto de vista mítico dos homes mariños, mais tamén desde o punto de vista dese mar do que ninguén lles falaba.

Xurxo Souto (A Coruña, 1966). Músico e escritor, en 1988 comezou a colaborar en diferentes medios de comunicación, nomeadamente na radio, onde conduciu os programas A Tropa da Tralla (Radio Coruña) ou Aberto por Reformas (Radio Galega). Escribiu dúas novelas e varios libros de relatos. Dirixiu a película documental Pucho Boedo, un crooner na fin do mundo. Con outros compañeiros do barrio creou Os Diplomáticos de Monte-Alto, conxunto bravú. Tocou o acordeón en Tres Trebóns e, agora, é un dos compoñentes da Banda Xangai.

A entrada para asistir a esta actividade é libre mais é imprescindíbel anotarse en contacto@casamuseomanuelmaria.gal ou a través do whatsapp 698177621.