Tenda

Sonetos á Casa de Hortas

Sonetos á Casa de Hortas

Tipo de publicación: Libro
Ano: 2014
Páxinas: 51
ISBN: 978-84-942893-0-9

Sinopse/Descrición

Este fermoso poemario constitúe unha guía imprescindíbel para unha visita á casa natal de Manuel María en Outeiro de Rei, convertida en 2013 en Casa Museo. Está constituído por 50 sonetos nos que o poeta regresa ao tempo da nenez, aos soños da adolescencia, ás vellas lembranzas familiares e a un espazo íntimo insustituíbel.

Escolma

Sempre interrogo ao fado prepotente
con incerto temor e verbo inquedo
e que me diga sen rubor nin medo
que porvir lle depara á casa e xente.

Coñezo o seu pasado. O seu presente.
E ignoro totalmente o seu futuro:
será desgraciado, triste, escuro
ou gozoso, feliz, resplandecente?

Todo o que vive múrchase ou devece
vencido polo tempo traizoeiro.
Nós pasamos. A casa permanece.

Non queremos fogar perecedeiro
pois o solar dos Hortas non merece
rematar convertido en pardiñeiro!