Tenda

A luz resucitada

A luz resucitada

Tipo de publicación: Libro
Ano: 2020
Páxinas: 128
ISBN: 978-84-945714-9-7

Sinopse/Descrición

A luz resucitada, obra editada por primeira vez en 1984, é un poemario de versos delicado e transparentes, escritos con acento melancólico, onde Manuel María nos ilumina coa luz que máis amou: o amor a Saleta, as paisaxes nativas, os misterios da mañá, as cores e os recendos máis intensos da súa tribo, as cousas pequenas do seu universo íntimo, a música do río que cruzou a súa infancia, o regato do Cepelo... É un libro de regresos. E é sobre todo unha viaxe cara a dentro, intimista, que busca de novo o resplandor da luz e resucita as vivencias máis luminosas da súa vida. Poesía de fondura humana e de beleza extrema.

Escolma

O poema


Un poema é un ser vivo que anda,
respira, soña, chora, salouca,
ama, berra, cintila e escurece,
cala, aborrece a mentira,
sente odio e tenrura, desángrase,
fala de intimidade a intimidade
coas cousas e coa xente, suxire
mundos posíbeis e imposíbeis,
súa, cansa, sofre sede e fame,
adoece, agoniza.
                           E nunca morre.