Tenda

Os lonxes do solpor (Libro+CD de Uxía+DVD)

Os lonxes do solpor (Libro+CD de Uxía+DVD)

Tipo de publicación: Libro
Ano: 2012
Páxinas: 51
ISBN: 978-84-616-0325-1

Sinopse/Descrición

Esta publicación contén un LIBRO + CD + DVD. Tres formatos distintos para “rozar a nosa intimidade” e “voar cara as incertas néboas do futuro” deixándonos guiar por Manuel María. “Os lonxes do solpor”, un magnífico libro, o último poemario inédito, no que se mostran, con intensidade lírica, o tremor puro da palabra, a comuñón coa terra amada ou a saudade polo tempo pasado e a crítica á dura e deshumanizada realidade do tempo presente. “Andando a Terra”, un traballo musical sobre poemas de Manuel María realizado por Uxía, voz excepcional da música galega e sensibilidade feita canción, que agora interpreta ao gardador das albas que nos fai crer aínda no ser humano. “De amor e cantería”, vídeo de Pixel Films, sobre guión de Anxa G. Refoxo, que traduce en imaxes e son os “Sonetos á Casa de Hortas” de Manuel María e que mereceu o premio Mestre Mateo á mellor produción experimental do ano 2011.

Escolma

 


A terra faise en ti,
Saleta, sutileza,
chama apaixonada
e transparente,
levidade de neve,
torrente e forza
de seiva poderosa,
música de vento
entre abelairas,
raio máxico de lúa,
murmurio de regueiro,
flor de cerdeira
ou pinga de orballo
emocionada, tremendo
sobor do pálido rubor
da rosa namorada