Noticias

Convocada a IIIª edición do Certame Manuel María de Proxectos Teatrais

formatosteatro22-2.jpg

Dirixido para as compañías galegas de teatro, o concurso ten por obxecto premiar a mellor proposta escénica sobre textos de Manuel María

A Fundación Manuel María de Estudos Galegos convocou a finais de abril a IIIª edición do Certame Manuel María de Proxectos Teatrais (Achéganse imaxes das bases). Un concurso dirixido para compañías galegas de teatro que ten por obxecto premiar a mellor proposta escénica sobre textos de Manuel María.
Nesta nova edición, alén da colaboración de diversos concellos e Deputacións, tamén se contará coa do Centro Dramático Galego coproducindo a obra gañadora.
O Certame Manuel María de Proxectos Teatrais trátase dun concurso bienal moi especial pois o premio fundamental son as representacións. En concreto, a compañía gañadora recibirá a cantidade de 4000 euros como axuda á produción e o caché correspondente a cada unha das funcións que se realicen nos concellos colaboradores, alén da coprodución do CDG.
O prazo para a presentación dos proxectos finaliza o 30 de setembro de 2022.
Os concellos colaboradores na pasada segunda edición foron A Coruña, Ames, Arteixo, As Pontes, Barbadás, Betanzos, Brión, Cambados, Carballo, Carral, Cedeira, Culleredo, Lugo, Malpica, Melide, Monforte, Neda, Oleiros, Ponteareas, Pontevedra, Rianxo, Ribadeo, Ribeira, Santiago, Verín, Vilalba e Deputacións da Coruña, Lugo e Ourense.

Galería de fotos

Bases III ª edición Certame Manuel María de Proxectos Teatrais

Bases III ª edición Certame Manuel María de Proxectos Teatrais

 (2022)

Bases III ª edición Certame Manuel María de Proxectos Teatrais

Bases III ª edición Certame Manuel María de Proxectos Teatrais

 (2022)

Bases III ª edición Certame Manuel María de Proxectos Teatrais

Bases III ª edición Certame Manuel María de Proxectos Teatrais

 (2022)