Actividades

O caderno "Símbolos nacionais de Galiza, o himno e a bandeira" preséntase este sábado na Casa-Museo Manuel María

O caderno

17/01/2023

Participarán os seus autores, o catedrático da UdC e especialista na obra de Eduardo Pondal, Manuel Ferreiro, e o profesor e investigador da orixe da bandeira galega, Xoán Costa

O caderno Símbolos nacionais de Galiza, o himno e a bandeira, publicación promovida por Vía Galega (Plataforma social en defensa dos dereitos nacionais de Galiza), e escrita por Manuel Ferreiro e Xoán Costa, será presentado este sábado, día 21 de xaneiro, ás 18 horas, na Casa-Museo Manuel María, en Outeiro de Rei.
No acto, os autores do caderno, o catedrático da Universidade da Coruña e investigador da obra de Eduardo Pondal, Manuel Ferreiro, e o profesor, presidente do Consello de Administración de Sermos Galiza e investigador da orixe da bandeira galega, Xoán Costas, farán un relatorio sobre os símbolos do himno e da bandeira do noso país, para dar a coñecer a súa historia e o seu significado.
Exemplar de agasallo
As persoas asistentes poderán levar, de balde, cadanseu exemplar desta publicación sobre a bandeira e o himno galego coa letra restituída de acordo co texto orixinal de Eduardo Pondal, concibidos como símbolos de identidade colectiva de pertenza a unha nación, que nos recoñecen como galegos e galegas.