Actividades
Nimbos en concerto
Música para todos os públicos, con ganas de desfrutar e de bailar, e con letras dalgúns dos nosos poetas
Música da boa e diferente, para toda a xente con ganas de desfrutar e bailar, é a proposta que este sábado, ás 20 horas, o grupo pontés NIMBOS fará na Casa-Museo Manuel María. Cinco mozos, cuxa base musical é tradicional mais que o mostran dunha maneira un pouco diferente, combinando e fusionando a súa proposta con novos ritmos.
Mario Arranz, no contrabaixo, Álvaro García, na guitarra, Xalo Rubio, no acordeón, Diego Barro, na percusión, e Antía Franco, na voz, gaita e frauta, son Nimbos. Entre o seu repertorio, a formación musicaliza poemas de distintos autores galegos, entre os que está o guitiricense Díaz Castro, cuxo poemario acabou por dar nome ao grupo, e composicións musicais propias como a “Foliada da Borraleira”.
As persoa interesadas en asistir deben facer reserva (billete 5 euros) en contacto@casamuseomanuelmaria.gal ou a través do whatsapp 698177621.