Actividades
Camiñada de Saavedra até Barrazoso Vello o próximo 1 de outubro, domingo
Con esta andaina retómanse as actividades da Casa-Museo Manuel María
O próximo 1 de outubro a Casa-Museo Manuel María retoma a súa actividade regular cunha nova camiñada pola Terra Chá, concretamente cun percurso que sairá do adro da igrexa de Saavedra e finalizará ao pé da ermida de Santo André, no lugar do Barrazoso Vello, na parroquia de Gaibor, en Begonte. A actividade que sairá desde a Casa-Museo Manuel María, ás 10 horas, ten un percurso de sete quilómetros, de dificultade baixa, e contará coa guía do divulgador cultural Orlando Viveiro.
As persoas interesadas poden inscribirse en contacto@casamuseomanuelmaria.gal ou no whatsapp 698177621 (actividade gratuíta).