Actividades

Brais das Hortas trae á Casa de Hortas (Casa-Museo Manuel María) o seu Consertasso na horta

Brais das Hortas trae á Casa de Hortas (Casa-Museo Manuel María) o seu Consertasso na horta

24/04/2023

Será este sábado, 29 de abril, ás 17 horas, e vai dirixido para público infantil e familiar

O auditorio da Casa-Museo Manuel María acolle este sábado, 29 de abril, ás 17 horas, o espectáculo, para público infantil e familiar, "Consertasso na horta" de Brais das Hortas.
Grelos e temazos, cun equilibrio variado de formas e estilos - como debe ser nun ecosistema musical diverso e saudábel! A Santa Compaña aparécese entre as patacas cantando un trap. Hai unha pulga punk da praia de Liméns. As cabras tiran para o monte e os caracois reivindican o seu ritmo: o reggae. Entre as cenoiras, os lagartos toman o sol ao son dun tumbao -é o propio!- e os kiwis non paran de brotar bailando ska. Tamén hai sitio para os soños, coma o de ser astronauta, ou para pedirlle axuda ás veciñas para botarlle o sulfato ás viñas. E máis temazos entre guitarrazos, charangazos e un lote de instrumentazos máis. Música e humor para toda a familia. Letras e arranxos coidados para sementar e apañar risos e ganas de cantar xuntas.

Billete: 2 euros. É necesario reservar en contacto@casamuseomanuelmaria.gal ou a través do whatsapp 698177621